ثاني قطع للتداول في ظرف يومين، وبعدها المؤشر رجع طلع، والمنظّم دعا للتهدئة

مؤشر تونيندكس رجع شغّل آلية قطع التداول من أوّل الجلسة نهار الأربعاء 29 جويلية، طاح بأكثر من 3% وقرّب لـ4%، أما من بعد رجع للطلوع وسكّر على ارتفاع بـ1,31% في 19.999,20 نقطة، وجرّتو نفس أسهم البنوك إلّي كانت سبّبت الطيحة في الزوز جلسات الفايتين. في نفس النهار، هيئة السوق المالية جمعت وزارة المالية والبنك المركزي والبنوك المدرجة والبورصة وجمعية الوسطاء، ودافعت على آلية التوقيف الآلي كإجراء احترازي معمول بيه في الأسواق الكبرى، ونصحت المستثمرين يعتمدو على المعطيات موش على الإشاعات. البلاغ حكى على الآلية وعلى متانة السوق، أما ما حكاش على المرسوم إلّي يفرض على البنوك 8% من أرباحها لقروض شرف بلا فايدة: وهو إلّي الخبير الاقتصادي رضا شكندالي كان شخّصو البارح على إنّو السبب في الهزّة.

← شوف العدد كامل