تونس تخلّص نهار 15 جويلية آخر قرض رقاعي كبير بـ700 مليون أورو
تونس لازمها تخلّص اليوم الأربعاء 15 جويلية القرض الرقاعي متاع 700 مليون أورو إلّي خرجاتو في 2019 بنسبة فايدة 6.375%، وهو أثقل استحقاق في الروزنامة المالية متاع العام، و«لكونوميست مغربان» تقدّرو بقريب من 2.3 مليار دينار مع الفوايد. الجريدة تعتبر الخلاص هذا نهاية الاقتراض المباشر متاع البلاد من الأسواق العالمية: من سنين تونس ولّات تعوّل على التمويل الداخلي عوض ما تخرّج قروض رقاعية جديدة في الخارج. أما التحوّل هذا موش بلاش: حسب معطيات البنك المركزي إلّي قدّمها المحلل المالي معز حديدان نهار 10 جويلية، الدين الخارجي نزل من 46.7% من الناتج الداخلي الخام في 2024 لقريب من 39% في 2025، في حين الدين الداخلي طلع من 113.8% لـ115.4%، والدين الداخلي متاع الدولة وحدو زاد بـ21% ووصل 75 مليار دينار.
