لينيون أوروپآن باش تعطي تونس 80 مليون أورو دعم للبودجاي، وسفيرها حبّ «حوار شامل» على قوانين التجارة

بعثة لينيون أوروپآن في تونس قالت نهار السبت، في بيان على صفحتها في الفايسبوك، إلّي باش تمضي قريب اتّفاق جديد بـ80 مليون أورو باش تدعم بودجاي الدولة، في برنامج دعم الإدماج الاجتماعي. من جهة أخرى، سفير لينيون أوروپآن جوزيپي پيرّوني قال لراديو خاصة إلّي الأوروبيين حاضرين لـ«حوار شامل ومفاوضات بنّاءة» مع السلط التونسية باش يراجعو قوانين التجارة في الاتّفاق إلّي تمضى بين الجانبين سنة 1995. قال إلّي لينيون أوروپآن باقية شريك تاريخي وموثوق، حاضرة تحدّث هالإطار، وذكّر بمشروع الربط الكهربائي ELMED مع إيطاليا كأولوية في التعاون الطاقي.

← شوف العدد كامل