مشروع بودجاي 2027 يتوقّع عجز بـ14.6 مليار دينار ويرفّع معلوم السفر وضريبة الألعاب

حسب مشروع قانون المالية لسنة 2027، إلّي وكالة الأنباء التونسية TAP حصلت على نسخة منّو وتناولتو برشا جرايد نهار الخميس، نفقات الدولة باش توصل لـ68.895 مليار دينار، بزيادة 8.37 بالمية على هالسنة، قدّام فلوس داخلة للدولة بـ54.280 مليار دينار، يعني عجز بـ14.615 مليار دينار. باش تغطّي الفارق، الحكومة ناوية تقترض 19.845 مليار دينار من السوق الداخلية و6.877 مليار من برّا. المشروع يرفّع زادة معلوم مغادرة التراب التونسي من 60 لـ80 دينار، وضريبة الألعاب والمسابقات من 40 لـ60 بالمية. والنصّ الرسمي للمشروع ما ظهرش لحدّ الآن؛ لجنة المالية في مجلس نوّاب الشعب ناقشت هالجمعة التوجّهات الكبرى للبودجاي برك، بلاش ما تعطي أرقام.

← شوف العدد كامل