البنك الدولي: الدولة متاع تونس مديونة للستاغ بـ22 شهر فاتورات

تقييم صدر على البنك الدولي لبرنامج دعم جديد بـ430 مليون دولار لسكتور الضو في تونس ظهّر إلّي الدولة تسال الستاغ قريب الـ22 شهر فاتورات ماخلصتهاش. رغم إلّي لي كونت متاع الستاغ هوما بيدهم فيهم عجز في الكاپيتال من هاك العام. تعريفة الستاغ ما تغطي كان 60% من حق الإنتاج الحقيقي، حسب التقرير، والحكومة تقول إلّي ما فمّاش زيادة في التعريفة مبرمجة توّا. البرنامج الجديد هدفه يوصل نسبة تغطية المصروف لـ80% قبل 2028، عن طريق الضو أرخص وزيادة في الطاقات المتجدّة وتحسين النجاعة، من غير خطّة باش تتصفى ديون الدولة.

← شوف العدد كامل