احتياطي العملة 22.7 مليار دينار بعد ما تونس خلّصت أثقل قسط ديون خارجي في العام

حسب مؤشرات البونك صنترال، الموجودات الصافية بالعملة الأجنبية وصلت 22.7 مليار دينار نهار 20 جويلية، يعني تقريبا 90 يوم توريد، بنقصان 487 مليون دينار على العام الفايت و11 يوم تغطية أقل. المستوى هذا صمد بعد ما الدولة خلّصت في نص جويلية قسط خارجي بـ740 مليون أورو، تقريبا 2.5 مليار دينار. مربوح السياحة وصلت 3.681 مليار دينار بزيادة 158 مليون، وڢيرمونات التوانسة بالخارج فاتت 4.7 مليار بزيادة 230 مليون، الزوز لي سورس هذوما هوما إلّي شادّين كل شيء. وبما إلّي ما فمّاش برنامج مع صندوق النقد الدولي، ما بقى كان مربوح العملة والتداين الداخلي باش تتموّل بيهم البلاد.

← شوف العدد كامل