تونس خلّصت آخر «يوروبوند» متاعها والاحتياطي من العملة حسّ بالضربة

الكريدي متاع 700 مليون أورو إلّي تونس شدّاتو في 2019 بنسبة 6.375% على سبعة سنين، وفا أجلو نهار 15 جويلية وتخلّص الكلّ، رأس المال وآخر فايدة في مرّة وحدة. احتياطي العملة الصعبة نزل في أيّامات إلّي بعدها لقريب من 91 يوم توريد، وهذا التراجع الاقتصادي معز السوسي وصفو بالمقلق أما موش خطير: الخلاص في الوقت يحمي سمعة البلاد المالية، ومربوح السياحة وڢيرمونات التوانسة بالخارج المفروض يرجّعو الاحتياطي في الصيف. أما الاقتصادي مختار لماري يشوف حاجة أخرى: بـ6.375% الفلوس هذي كلّفت أضعاف ما كان يكلّف تمويل من صندوق النقد الدولي، وتونس اقترضت من السوق بالذات باش تهرب من الشروط: ولازمها ترجع تختار نفس الاختيار، ومازالت بلاش برنامج.

← شوف العدد كامل