Ba3d thlath snin, 46 monadhma t9oul elli ittife9 elhijra bin l'Union Européenne w Tounes zed fettajewozat w 5allaha 3adiya
Ba3d thlath snin bidhdhabt mn modhakkret ettafehom elli tamdhat fi Tounes nhar 16 juillet 2023, 46 monadhma 7ou9ou9iya w insaniya asdret bayen mochtarak y9oul elli elittife9 ghadhdha ettajewozat el5atira w 5allaha 7aja 3adiya. 7asbhom, l'Union Européenne 7arret 105 melyoun euro letta7akkom felhijra, mennhom 3la el2a9all 65 melyoun mchaw fi takwin w tajhiz ajhza kima 7ars essawe7el w markez tansi9 el2in9adh elba7ri: nafs el2ajhza elli twathth9et 3liha i3tiradhat 3anifa felb7ar, w i9afat ta3assofiya, w 3onf jinsi, w tar7ilat jame3iya na7w el7oudoud m3a Libya w Ejjazayer. Elmomdhin ytalbou bech twalli 7ou9ou9 el2insen, mouch 3adad elmrakeb elli tetwa99ef, hiya elme9yes fel3ala9a, w bech tkoun famma 3awa9eb bel7a9; ama Bruxelles ltawwa mezelet tsobb elflous, w fi février 7attet Tounes fi 9aymet boldan elmancha2 el2emna.