طفل عمرو 14 سنا يموت بضربة شمس وهو يخدم في الفلاحة باش يخلّص قراية

أمين الصايحي، تلميذ في الثامنة أساسي عمرو 14 سنا من زلفان وقاعد يقرا في إعدادية تالة بولاية الڨصرين، مات بضربة شمس وهو يخدم في الفلاحة في عطلة الصيف، في درجات السخانة عدّات 40 درجة. المحامية نادية الشواشي كتبت على فيسبوك إلّي الفقر هو إلّي يلزّ العايلات باش تبعث صغارها تخدم موش هوما خطارو باش يبعثو صغارهم، وسألت قدّاش فمّا ولدان أخرين كيفو يخدمو في نفس القيظ. لا وزارة ولا تفقدية شغل عقّبت للحد الآن.

← شوف العدد كامل