قضية شكري بلعيد: محكمة الاستيناف زادت في أحكام العكرمي واللوز وبن بريك

الدايرة الجنايية المختصة في قضايا الإرهاب بمحكمة الاستيناف بتونس زادت في الأحكام في زوز ملفات مختلفة تخص الخروقات إلّي شابت التحقيق في اغتيال شكري بلعيد: وكيل الجمهورية السابق المعزول بشير العكرمي ولاّت عقوبتو الجملية 29 سنا حبس بعد ما كانت 23 سنا في الطور الابتدايي، والقيادي في النهضة الحبيب اللوز وحسان بن بريك مشاو من 13 لـ17 سنا لكل واحد. العكرمي تحكم عليه خاصة على أساس إلّي، وهو موظف عمومي، تعمّد ما يوقفش مشبوه فيه باش يهرب من التتبعات، وخبّى الحقيقة باستغلال صلاحياتو القضايية؛ والزوز الآخرين على أساس إلّي حطّو كفاءتهم ومعلومات على ذمة ناس عندهم علاقة بأعمال إرهابية. المحكمة أكدت زادة المراقبة الإدارية على التلاثة بعد ما يكمّلو عقوبتهم.

← شوف العدد كامل