الجزيية في القبارية تحسمت بسبعة أصوات، ومكاتب الانتخابات تقريبا خاوية
هيئة الانتخابات أعلنت نهار الاثنين 20 جويلية النتايج الأولية للدور الثاني من الجزيية في دايرة القبارية بتونس: شاكر بوثوري ربح المقعد بـ1225 صوت، يعني 50.14% من الأصوات، مقابل 1218 صوت لمحمد صالح السلمي: الفرق سبعة أصوات برك. نسبة المشاركة رجعت ضعيفة برشا؛ مرصد شاهد قدّرها بـ1% تقريبا نهار الحدّ على نص النهار، وما تحرّكتش كان في آخر العشية، والدور الأوّل نهار 28 جوان جاب قريب من 4% حسب الهيئة. يعني البرلمان إلّي خرج من دستور قيس سعيّد يعمّر مقاعدو الشاغرة بكم مية صوت في دايرة فيها أكثر من 60 ألف ناخب، وهذا يحكي على مكانة المؤسسة أكثر ما يحكي على المترشحين.
