Marsoum yefredh 3la elbnouk t5asses 8% men arba7ha l 9roudh charaf blech fayda w blech dhamanat
Elmarsoum 3adad 2026-148 elmo2arra5 fi 23 juillet, elli tnachar ferraed errasmi, walla y5addem mandhoumet «9roudh echcharaf» elli jet m3a isla7 echchikat mte3 2024 (elfasl 412 thelithan men elmajalla ettijariya): kol bank lezmou y5asses 3la ela9al 8% men arbe7 essana elfayta l 9roudh blech fayda, blech dhamanat w blech masarif malaff; 7atta 5.000 dinar lelfard, 10.000 dinar lelmachrou3 essghir w 25.000 dinar lelmo2assasat esseghra w elmotawassta w echcharikat el2ahliya, m3a periode ta2jil toussel l setta chhor 9bal ma yebda el5ales (w el9irayet mte3 ennass mo5talfa 3la a9sa modda masmou7a). Elbnouk 3andha 3achra ayemet 3amal banki bech tjeweb, w kol rafdh lezmou ykoun m3allel. Eddawla la tmawwel elmandhouma la t3awwedh elbnouk, w bettali chkoun bech yet7ammel el9roudh elli ma tet5allasch? Hetha essou2al elli tla3 men awwel yom nchar fih ennass.