Marsoum ylezz elbnouk t5asses 8% men arba7ha l 9roudh blech fayda w blech dhamanat
Elmarsoum erriyesi 3adad 2026-148 elmo2arra5 fi 23 juillet, elli sder ferraed errasmi 3adad 75 nhar 24 juillet, 7added chourout 5toutet «ettamwil 3la echcharaf»: kol bank lezmou y5asses 3la ela9al 8% men arba7ou essanawiya l 9roudh blech fayda w blech dhamanat, tatbi9an lelfasl 412 thelithan men elmajalla ettijariya elli jebou el9anoun 2024-41. Essou9ouf: 25 alef dinar lelmo2assasat esseghra w elmotawassta w echcharikat el2ahliya, 10 alef l as7ab elmacharia3 esseghira, w 5 alef lel2afrad; w elbank 3andou 3achra ayemet 3amal bech yjeweb, w lezmou y3allel errafdh, w ma ynajjemch ye5edh masarif diraset elmalaff, w lezmou y7ott nos el5att 3la ela9al lelmo2assasat esseghira w echcharikat el2ahliya, intila9an men arbe7 2025. «African Manager» la7edh elli ennass ma fihech tari9t isti5las kan ma 5allasch elmo9taredh, ya3ni 7a9 siyesa ijtima3iya tet7awwel l mwazanat elbnouk.