Virements ettwensa belkharej wessiya7a fetou 9 milyar dinar, wel i7tiati we9ef 3la 91 youm tawrid
A5er elmo2achirat enna9diya welmeliya mte3 el Banque Centrale mte3 Tounes tbayyen elli virements ettwensa elmou9imin belkharej m3a marbou7 essiya7a fetou 9 milyar dinar fi 20 juillet: elvirements tel3et b5.2% l2akthar mn 5 milyar, w marbou7 essiya7a b4.6% w 9arbet mn 4 milyar. El2osoul essafiya bel3omla essa3ba wselet 23 milyar dinar fi 22 juillet, ya3ni 91 youm tawrid, mo9abel 22.8 milyar el3am elfayet, w 5edmet eddin el5arji nezlet l7.5 milyar dinar ba3d ma kenet 9 milyar. Nafs enachriya t9oul elli el2awra9 wel9ota3 enna9diya fettadewol tel3ou b16.6% l29.4 milyar dinar. Mn ghir barnemej m3a sondou9 enna9d eddawli, eljaliya welmawsem essayfi houma elli cheddin ettawazounat el5arjiya: w ziyedet elcash tfakkerna 9addech mn eli9tisad barra eddawra elbankiya.