Lajnet elmaliya sad9et 3la 230 melyoun dollar tamwilat 5arjiya bech tenhodh bsecteur elfosfat
Lajnet elmaliya welbudget fi majles nowweb echa3b sad9et fi jalset 21 juillet 3la thletha machari3 9awanin: dhamen eddawla lcrédit b110 melyoun euro mn el Banque Européenne mte3 la Reconstruction w ettanmiya lmachrou3 «CAPSA» mte3 charikat fosfat 9afsa (mo3addet manjamiya jdida w w7edet tarchi7 ta7t pression 3ali lelma essina3i, wecharika t9oul elli hetha yzid ta9et elista5raj b9rib mn 30% w yraffa3 nesbet istirje3 elma mn 9rib mn 60% l2akthar mn 90%) w zouz ittifa9iyet mourab7a b120 melyoun dollar m3a echarika elislemiya eddawliya ltamwil ettijara, mo5assasa ken ltawrid elkabrit wel2ammoniak lelmojamma3 elkimyawi ettounsi. Ennowweb sa2lou erro2asa elmoudirin el3emmin 3la no9san elintej w tarakom el5sayer w 9odm elmo3addet; w raiys charikat fosfat 9afsa 9al elli el2isla7 ye7tej mn 5amsa lsab3a snin. Ya3ni eddawla tsallef mn barra bech t5alli mousaddir istratiji yo5dem, mouch bech ykabbrou.