I7tiati el3omla 22.7 milyar dinar ba3d ma Tounes 5allset ath9al 9est dyoun 5arji fel 3am

7asb mo2achirat el Banque Centrale, elmawjoudat essafiya bel3omla el2ajnabiya wselet 22.7 milyar dinar nhar 20 juillet, ya3ni ta9riban 90 youm tawrid, bno9san 487 melyoun dinar 3la el3am elfayet w 11 youm taghtiya a9all. Elmostawa hedha smed ba3d ma eddawla 5allset fi nos juillet 9est 5arji b740 melyoun euro, ta9riban 2.5 milyar dinar. Marbou7 essiya7a wselet 3.681 milyar dinar bziyeda 158 melyoun, w virements ettwensa belkharej fetet 4.7 milyar bziyeda 230 melyoun, ezzouz li sours hedhouma houma elli cheddin koll chay. W bma elli ma fammech barnemej m3a sondou9 enna9d eddawli, ma b9a ken marbou7 el3omla w ettadeyon eddakhli bech tetmawwel bihom elbled.

← See the full edition