Tounes 5allset 9est 740 melyoun euro mn eddin el5arji w dhamnet crédit 500 melyoun dollar mn Afreximbank
Wzirt elmaliya Michket Slama Khaldi 9alet nhar 20 juillet 9oddem lajnet elmaliya fi majles nowweb echa3b elli Tounes 5allset fi nos juillet 9est 2026 mte3 akbar crédit 5arji 3andha, w houwa 740 melyoun euro, w a3trfet elli el5las hedha na99as mbecher fi i7tiati el3omla essa3ba. Ejjalsa kenet 3la machrou3 el9anoun 3adad 52-2026 elli ysade9 3la mol7a9 littifa9iyet elcrédit bin el Banque Centrale welbank el2ifri9i lettasdir wettawrid (Afreximbank): ghlef 500 melyoun dollar, welwzira 9alet elli ettfewodh nazzel nesbet elfayda l5.86% ba3d ma kenet el2aswe9 totlob akthar mn 9% 3la elmakhater ettounsiya. Mn ghir barnemej m3a sondou9 enna9d eddawli, el7kouma tsodd essoudesi ethheni 3an tri9 mmawlin jihawiyin, welflous hedhi, 7asb klemha, bech temchi ltawrid issons weddwa w lta7rik elmachari3 el3oumoumiya elwa9fa.