Tounes t5alles nhar 15 juillet a5er crédit ro9a3i kbir b700 melyoun euro
Tounes lezemha t5alles elyoum el2arb3a 15 juillet elcrédit erro9a3i mte3 700 melyoun euro elli 5arjetou fi 2019 bnesbet fayda 6.375%, w houwa ath9al isti79a9 ferrouzname elmeliya mte3 el3am, w «L'Économiste Maghrébin» t9addrou b9rib mn 2.3 milyar dinar m3a elfwayed. Eljarida ta3taber el5las hedha nihayet eli9tiradh elmbecher mte3 elbled mn el2aswe9 el3alamiya: mn snin Tounes wallet t3awwel 3la ettamwil edde5li 3iwadh ma t5arrej 9roudh ro9a3iya jdida fel5arej. Ama etta7awwol hedha mouch blech: 7asb li donnaay el Banque Centrale elli 9addemha elmo7allel elmeli Moez Hadidane nhar 10 juillet, eddin el5arji nzel mn 46.7% mn ennatej edde5li el5am fi 2024 l9rib mn 39% fi 2025, fi 7in eddin edde5li tla3 mn 113.8% l115.4%, w eddin edde5li mte3 eddawla wa7dou zed b21% w wsel 75 milyar dinar.